sábado, 20 de diciembre de 2014

DECEMBRO: FESTIVAL DE NADAL

O 19 de decembro, o CEIP San Xoán celebrou o seu tradicional Festival de Nadal. Todo o alumnado do centro participou con actuacións que ían da obra de teatro á música, pasando pola danza.

A asistencia das familias encheu de máis vida, se cabe, o cole, e a xornada de convivencia prolongouse ata case as dúas e media da tarde.

Foi un feliz día do que queremos compartir imaxes, vídeos e recordos. Aquí vai unha mostra de todos eles.


SELECCIÓN DE MOMENTOS:




VIDEO DO FESTIVAL ÍNTEGRO:


ACCESO AOS VÍDEOS DE CADA GRUPO.


IMAXES DO DÍA.







jueves, 18 de diciembre de 2014

DECEMBRO: Un Nadal de Desexos co Apalpador e Papá Noel

Vaia! Seguimos desexando e cumprindo soños...



O xoves 18 tivemos unha visita moi especial... Papá Noel e o Apalpador apareceron para facer felices aos máis pequenos do Concello de Becerreá.



Foi un pracer comprobar a felicidade nos rostros dos nenos máis pequenos... Que bo será o noso Nadal con estas visitas!!




Grazas moi especiais para a Asociación de Pais e Nais de Becerreá, a Carlos de Chaás, da AC Son de Cores, a Antonio Díaz e á AC As Candelas de Becerreá.

MIRA AQUÍ ENTRADAS ANTERIORES DO NADAL

Un Nadal laranxa

Un Nadal de Desexos

Un Nadal co Apalpador e Papá Noel  -  O Apalpador

Un Nadal Solidario

Un Nadal de Postais

Festival de Nadal


miércoles, 17 de diciembre de 2014

DECEMBRO: Un Nadal de Desexos, un Nadal Laranxa


Un Nadal de Desexos é, tamén, un Nadal de Aromas... un percorrido por produtos e especias, de olores e sabores, de escritos, de cores...

Por iso, este Nadal de Desexos é un Nadal Laranxa. Laranxa pola cor que adorna o noso colexio, laranxa porque é o froito do inverno: sabor vitaminado que nos aporta a vitalidade precisa para suportar este tempo e que serviu para facer todo tipo de adornos, como non?, laranxas tamén.







E é un Nadal de Aromas porque, aparte do da froita, temos os "cravos de olor" e a canela a formar parte de adornos e menús.

Compartimos convosco as imaxes que creamos para vivir esta semana. Con elas, compartimos, tamén, os nosos mellores desexos.

PROGRAMA PARA O FESTIVAL DE NADAL:

O Festival de Nadal celebrarase o día 19 a partir das 11:30. As familias estades convidadas a presencialo e á convivencia que o seguirá. O programa é o seguinte:


  • A foto de Nadal. Alumnado de 4º
  • Kokoloeko. Alumnado de 3 anos
  • Una vez ocurrió que un niño... Alumnado de 3º
  • Sueños. Alumnado de 1º
  • Ratos en apuros. Alumnado de 2º
  • Love the way you live. Alumnado de 4 anos
  • Bullying. Alumnado de 5º
  • Circassian Circle. Alumnado de 5 anos
  • Que sorte! Alumnado de 6º
  • Eu teño un canciño. Alumnado de Primaria
  • My little sea. Alumnado de Primaria.

martes, 16 de diciembre de 2014

DECEMBRO: Unha tarefa voluntaria

Chegan as vacacións e con elas o desexo de non traballar, disfrutar da familia, dos xogos, dos paseos...

E nós temos algo pensado para este nadal, no que queremos compartir convosco tempos e actividades. Contando coa colaboración das familias, queremos comezar a recoller información para a nosa guía turística (Plan Proxecta). Por iso propoñémosvos algo:

Durante o Nadal, levade ao voso neno ao lugar máis fermoso da vosa parroquia. A ese que vos encanta polo motivo que sexa. Alí facede fotos ou video, disfrutade do lugar e compartídeo connosco. Despois, enviádenos ese material ao correo sextosanxoan@gmail.com (ou entregádeo no cole á volta do nadal) coa seguinte información:

LUGAR                 (Importante recoller ben este dato porque despois imos localizalo en mapas físicos e on line)

PARROQUIA

VISITA DE INTERESE PORQUE…

A NÓS GÚSTANOS PORQUE…


Formará parte dun repositorio que utilizaremos para traballar a competencia lingüística (redacción), a dixital (procesamento de imaxes, publicación web), a matemática (clasificación), a de coñecemento e interacción co mundo físico (localización en mapas) e, sobre todo, o descubrimento deste noso contorno, o recurso máis valioso que temos.









lunes, 15 de diciembre de 2014

DECEMBRO: O Apalpador


O Apalpador é a figura que, na nosa cultura, chega na noite do 24 de decembro para deixar un presente aos nenos. 

Tradicionalmente, o Apalpador tocaba as barriguiñas daqueles nenos que encontraba durmidos para ver se estaban ben alimentados e, se había algo de fame, deixaba unhas castañas.


Vive na Montaña Luguesa, preparando carbón para escorrentar o frío e o seu aspecto é doce, aínda que peculiar. 

Esta semana deixamos un espazo para el na entrada do noso cole, para que ningún neno sinta que non o coñece. Por iso fixemos un debuxo e escribimos a súa historia. Ainhoa, Ainara, Anne e Martín axudaron a pintalo.

Apalpador, ven tocar as nosas barrigas, prometemos durmir cedo na noiteboa!!





XOGOS SOBRE O APALPADOR

Xogo 1 (Portal da Matilda)

Xogo 2 (CRA Raíña Aragonta)

Xogo 3 (CEIP Frián)

Xogo 4 (Manuel Castro e Mar Ameixeiras)




jueves, 11 de diciembre de 2014

DECEMBRO: Un Nadal de Desexos

Durante este mes, o Calendario de Advento creado para o Entre Letras encheu os nosos días de desexos... Menús, premios, regalos compartidos e visitas inesperadas!

Case, xa, temos ganas doutro calendario de Advento: Lástima que teñamos que esperar ata o próximo decembro.




Tamén é o xeito no que este ano todos os "habitantes" do CEIP San Xoán nos felicitamos o nadal, pois no escenario onde terá lugar o Festival, recolleremos durante esta semana os desexos que nenos e adultos queremos entregar como felicitación aos nosos amigos. Será o xeito no que mostremos que desexar cousas boas é un modo máis de expresar emocións e querer os outros. A día de hoxe... xa case está cheo!


Estes son algúns dos momentos especiais do Nadal de Desexos.

Visita dos Pallasos: (Accede neste enlace a todas as fotos)

O noso especial agradecemento a Susana Rodríguez, Inés Carballo, Inma García, Sonia Arias, Rocío Rodríguez, Mirna Libera e Adela Soler, nais de alumnos do colexio, colaboradoras con esta iniciativa.




MIRA AQUÍ ENTRADAS POSTERIORES DO NADAL







miércoles, 10 de diciembre de 2014

DECEMBRO: Un Nadal solidario

Un dos aspectos máis salientables do Nadal é a nosa capacidade de empatía, tan traballada no programa Educación Responsable.

Cada día temos ocasión de demostrar esa cualidade e tantas outras que nos fan especiais e bos, pero no Nadal acada unha dimensión enorme. Por iso, non deixamos de publicitar, explicar e potenciar a participación na Campaña Solidaria que se leva a cabo na nosa vila.

Desde o ENDL organizamos que, durante esta semana, nas clases, falemos da importancia de ser solidarios e de participar nas campañas que se desenvolven. Igualmente, preparamos un cartel que vai estar presente en todas as aulas.

Queridas familias, mirade o que podedes compartir e, cando o levedes á Oficina de Correos ou ao Centro Social, imaxinade que estades levando un pouco de felicidade a un neno.


MIRA AQUÍ ENTRADAS POSTERIORES DO NADAL







martes, 9 de diciembre de 2014

DECEMBRO: Postais de Nadal

Como en pasadas edicións, encántanos participar no Concurso de Postais de Nadal que se presentan. As nosas creacións van para a FAPACEL e SON DE CORES, que nos convidaron a participar.

Igualmente, unha representación das nosas postais chegará ao Boletín da Fundación Botín, coa que participamos no Programa Educación Responsable.

Se queredes ver todas as postais, creamos este album en Google+.





jueves, 4 de diciembre de 2014

DECEMBRO: Visita á Fundación TIC

O día 3 de decembro, os alumnos de 5º e 6º viaxaron ata Lugo para visitar a Fundación TIC. Dependente da Deputación de Lugo, a Fundación TIC adícase á produción de documentos audiovisuais e ten unha escola propia de Imaxe e Son.
O noso interese para visitala está centrado na propia produción de audiovisuais, algo que entra no desenvolvemento do Plan Proxecta: Elaboración dunha Guía Multisensorial de Becerreá, no que estamos implicados.


A visita serviu para coñecer todas as instalacións, unha unidade móbil e o traballo de produtores, redactores, cámaras e técnicos de son e imaxe. E deunos idea do difícil que é este traballo, porque nos deron a oportunidade de gravar un telediario (Ticodiario) que compartimos convosco.










martes, 2 de diciembre de 2014

DECEMBRO: Terceiro encontro da Liga Profesional de Ortografía

Hoxe tivemos o terceiro encontro da Liga Profesional de Ortografía. As regras que hoxe se traballaron eran:

LINGUA CASTELÁ: O uso do <V>

LINGUA GALEGA: Os usos do <C> e do <Q>






Os resultados son:

1º:4,45     2ª: 4.91     3º: 4,21      4º: 4,41      5º: 4,33        6º: 7

Ver novas anteriores


Este era o cuestionario para 5º e 6º:



lunes, 1 de diciembre de 2014

DECEMBRO: CALENDARIO DE ADVENTO

O Entre Letras para o mes de decembro vístese de desexos... 

De cara ao Nadal sempre procuramos o mellor aos nosos amigos, familiares... Este curso, decidimos modificar un pouco o formato das postais e, durante o mes de decembro, traballaremos os desexos.

A pasada semana os nenos traballaron cos titores os desexos que tiñan, consideraron os que poderían ser cumpridos e nolos contaron. Nós, convertidos en fadas dos desexos, queremos cumprir algúns deles.

E que mellor maneira de achegarnos aos desexos de nadal que cun Calendario de Advento? Un calendario moi particular pois, en cada día, agocha un desexo a cumprir...

Seremos capaces de ilusionar e ilusionarnos? Sen dúbida!!

Ah! E como estamos no Entre Letras, algúns desexos serán musicais, outros gastronómicos, outros literarios... en fin... seguide aquí abaixo algúns deses momentos:


01/12/14 - PRESENTACIÓN DO CALENDARIO DE ADVENTO:



01/12/04 - APERTURA DO PRIMEIRO DESEXO, NO COMEDOR ESCOLAR




IMAXES DE DIFERENTES DESEXOS CUMPRIDOS



sábado, 29 de noviembre de 2014

DECEMBRO: Educación Responsable e 1º EP



Durante este trimestre, as actividades de Educación Responsable para o Banco de Ferramentas de Primeiro Ciclo, foron desenvolvidas por Yolanda e os seus alumnos de 1º de Primaria.

Estas son as dúas tarefas que realizamos ata o momento:

Tarefa 1: "A fuego lento"

Realizando esta tarefa aprendimos que é moi importante  entender  que todos temos  algunha
cualidade positiva  e  valorada  polos demáis  e que só necesitamos a oportunidade  para poder demostralo. Aprendimos tamén que é moi importante potenciar o que sabemos facer , pero  debemos intentar mellorar o que non se nos da tan ben.












Tarefa2: "Marisol ten cuidado!"


Que divertida foi esta actividade! Aquí traballamos a empatía, as emocións, os sentimentos … e pasámolo moi ben realizando este  video. Bótalle unha ollada !




viernes, 28 de noviembre de 2014

DECEMBRO: Educación Responsable. BF EP-2

Comezamos co desenvolvemento das actividades do Banco de Ferramentas TIC para o ciclo superior de Educación Primaria.

Tarefa número 1:"Cúidate"

Despois de ver este recurso, o alumnado comeza un debate que pretende analizar o papel da empatía, como ben social e medio de desenvolvemento persoal.

Como resultado, o alumnado propón a gravación dun vídeo semellante ao do recurso proposto, pero con motivos reais que se dan na escola.

Compartímolo convosco:




Alumnado: 6° E.P. - Educación para a Cidadanía
Profesora: Susana
Días dedicados: 20 e 27 de outubro

Tarefa número 2:"No eres buena, eres mejor"

O recurso visionado é este. A partir del, traballamos a autoestima, importantísima no desenvolvemento persoal.
Despois do debate e de discernir sobre cales son as actitudes, aptitudes e caractarísticas que nos definen, traballamos sobre un documento que recollese "as características positivas que nos definen" e este é o resultado:



Tarefa número 3:"Toda una vida"

O recurso visionado é este. Serviunos para traballar a expresión emocional, importantísima nas relacións sociais.
Logo do visionado, estivemos traballando as diferentes emocións e quixemos aproveitar o aprendido no Obradoiro do MAC para encontrar cal é a cor das dúas emocións que máis aparecen na vida escolar, segundo o grupo de alumnos que está a traballar esta batería de recursos: a alegría e a tristeza. Para iso, convidamos aos alumnos de 1º e 2º (e nós mesmos participamos) a que completasen estes gráficos de cor.

Estes son os resultados.



Comprobamos que para os nenos que estiveron nesta actividade, a tristeza é claramente negra, e a alegría píntase de marelo. Xa temos un código novo!!

Podedes ver aquí imaxes do día.


miércoles, 26 de noviembre de 2014

NOVEMBRO: Dotación de Libros para Educación Responsable



Qué sorte!!

Hoxe chegaron os libros de lectura que se recomendan no bloque de Literatura para Educación Responsable.

Estes libros van estar ao dispor de todos na Biblioteca, pero, con prioridade para o profesorado responsable do programa.



Queres saber que libros son?

"Esto que ves es el mar"
"El vicario que hablaba al revés"
"El hombrecillo de papel"
"¡Qué bonito es Panamá!"
"Historias de Ratones"
"Los versos del libro tonto"
"Adivina cuánto te quiero"
"Un bicho raro"
"Nadarín"
"Aventuras de la Mano Negra"




viernes, 21 de noviembre de 2014

NOVEMBRO: SOÑOS ÁRABES

Retomando a actividade do Entre Letras, desde o 24 de novembro ata o 4 de decembro celebraremos "Soños Árabes".

LITERATURA:

Comezaremos cunha Exposición de Libros, desde a Biblioteca Escolar, de temática árabe: contos, arte, civilizacións... Estará na entrada do colexio e os libros serán prestados o xoves 4, no lecer.

O día 26 contaremos coa colaboración de Aziza e Naima, nais de Fátima Z., Ayoub, Asmae, Fátima A. e Muna. Elas achegarán ao noso Entre Letras "Un Conto Árabe", en dúas sesións, ás 12.30 para os nenos máis pequenos (E.I., 1º e 2º) e ás 13:00 para os demais. Este é o video da súa intervención




A partir das 13:45 farán unha demostración de decoración nas mans con henna, para todas as nenas que o desexen, á vez que nos explicarán o significado desta importante tradición. Así foi:




A partir dese día, os alumnos de 2º, 5º e 6º elaborarán diferentes versións plásticas e literarias do conto, que se exporán no recuncho do Entre Letras, para todo o alumnado.

Aziza e Naima quedaron a comer connosco. Elas convidáronnos a doces, pan e té de Marrocos. Mirade qué ben!





MÚSICA:

Nas clases de música, procuraremos unha achega á música árabe. En especial, atenderemos as suxestións de Aziza e Naima, pero tamén escoitaremos a Ara Malikian, considerado un dos mellores violinistas actuais, de orixe armenio, hai un par de meses estivo de xira en Lugo, e deixounos marabillados co seu quefacer.


Podes ver aquí a Ara Malikian explicando e interpretando El Otoño, de "Las Cuatro Estaciones" de Vivaldi para nenos:




ARTE:

O Comedor Escolar recollerá, durante estes días, imaxes de Arquitectura árabe, unha ventá aberta ao mundo.

GASTRONOMÍA:

Na semana seguinte, teremos a ocasión de degustar un menú árabe no Comedor Escolar, no que teremos a sorte de degustar o  famoso Cuscús.


VERSIÓNS DO CONTO:

ESTA É A VERSIÓN DA CLASE DE 6º DE INFANTIL, CON ASMAE



ESTA É A VERSIÓN DA CLASE DE 2º, CON AYOUB:




ESTA É A VERSIÓN DA AULA DE PT, CON FÁTIMA A. (ver a noticia no blog)



lunes, 17 de noviembre de 2014

NOVEMBRO: Liga Profesional de Ortografía



O luns celebramos o segundo encontro da fase de suma de puntos da nosa Liga Profesional de Ortografía. Nesta ocasión, estabamos a repasar os usos do <b> en castelán e os usos do <c> e o <z> en galego.
Os resultados seguen deixando un 6º claro gañador, aínda que moi preto están 2º e 4º. As puntuacións desta segunda edición son:




1º- 6.18            2º - 7.10        3º- 7.50           4º- 7.53   
     
5º- 6.82          6º- 8.25

domingo, 16 de noviembre de 2014

NOVEMBRO: Elixidos Proxecto do Mes no MEC

Acabamos de coñecer que o noso proxecto eTwinning "A historia da miña casa", levado a cabo  co alumnado da Aula de PT, foi elixido Proxecto do Mes polo Servizo Nacional. Este servizo, dependente do Ministerio de Educación, coordina o blog do SNA, no que se recolle esta nova xunto cunha reseña do noso traballo, como podedes ver neste enlace.
Previamente, este proxecto tiña sido premiado cun Selo de Calidade Nacional e cun Selo de Calidade Europeo, como podedes ver neste enlace.
É motivo de celebración para nós, polo que queremos compartilo convosco. Parabéns para
Todos, en especial para o alumnado das tres escolas participantes.


lunes, 10 de noviembre de 2014

NOVEMBRO: Construíndo a Paisaxe

O día 11 de novembro desenvolvimos, coa colaboración de ADEGA, un obradoiro de construción da paisaxe para o alumnado de 5º e 6º.

Podes ver as imaxes do día no seguinte video:

martes, 4 de noviembre de 2014

NOVEMBRO: Selo de Calidade Europeo para o noso colexio

Acabamos de saber que o noso centro foi galardonado co Selo de Calidade Europeo polo proxecto eTwinning "La historia de mi casa" que se desenvolveu durante o pasado curso co alumnado da Aula de PT.



Este proxecto tiña como obxectivo último a capacitación en competencias clave do noso alumnado de ACI, e foi levado a cabo con outros centros educativos europeos, concretamente cunha escola portuguesa e outra turca. E contou coa colaboración das familias implicadas e as institucións da zona.




O galardón segue ao que recibimos en setembro, a nivel nacional. Grazas a todos pola colaboración, sen a que tería sido moito máis difícil facer un proxecto de calidade. Grazas ao Servizo Nacional eTwinning e ao Servizo Central, en Bruxelas, polos dous galardóns.




lunes, 3 de noviembre de 2014

NOVEMBRO: Celebrando o Magosto

Para o Magosto, que se celebrará na semana do 10 ao 14 de novembro, o noso cole ten a seguinte programación:

LUNS 10: 

OBRADOIRO DE COGOMELOS. Coa axuda das familias, faremos unha recollida de cogomelos durante a fin de semana e unha exposición con eles no colexio. A ANPA colaborou connosco facendo unha recollida selectiva e compartindo as jmaxes do seu paseo de familia. Podedes ver aquí o vídeo do seu paseo:





Faremos unha clasificación sinxela que nos permita comezar a coñecer o mundo dos cogomelos e o contorno en que se crían. Para iso contamos coa axuda inestimable da nosa compañeira Toñi, que ademais de cociñar marabillosamente, pertence a unha sociedade micolóxica e sabe moito de cogomelos. Adela, nai de Xoel, tamén nos axudou na clasificación e no desenvolvemento do obradoiro. Esta é unha parte da explicación de Toñi:






E estas son algunhas imaxes do día:




MAGOSTO:
Durante a sesión da tarde, celebraremos o tradicional Magosto, xunto con xogos tradicionais, obradoiros de maquillaxe ...










EXPOSICIÓN DE IMAXES DAS FAMILIAS RECOLLENDO COGOMELOS. Igualmente, organizaremos unha exposición coas fotos que nos enviedes da vosa recollida nos montes veciños.






MARTES 11: 

RECOLLIDA DE RECEITAS DE MAGOSTO. Durante a última semana, redáctanse as receitas de cociña con cogomelos e/ou castañas que son as "especialidades" das casas das nosas familias. Este día recollerémolas para facer un libro que forme parte da nosa Biblioteca Escolar.




MÉRCORES 12:

MENÚ DO MAGOSTO: Para este día, os dous ingredientes fundamentais do noso menú serán os cogomelos e as castañas. No prato principal, arroz con cogomelos, na sobremesa, torta de castañas. 



VENRES 14: 

PUBLICACIÓN DO LIBRO DE RECEITAS DO MAGOSTO, en versión papel e en versión "en rede". Ver a axuda das alumnas da aula PT, encargadas da elaboración dos índices e do escaneado das receitas




Moi importante: este libro está sen corrixir ortográficamente. Será obxecto de concurso na cuarta sesión da LIGA PROFESIONAL DE ORTOGRAFÍA!



DURANTE TODA A SEMANA:

EXPOSICIÓN E PRÉSTAMO DE LIBROS DE COGOMELOS E SERES DO BOSQUE




EXPOSICIÓN NO COMEDOR DE IMAXES DE COGOMELOS FRECUENTES NOS NOSOS BOSQUES. (VER EN ENTRE LETRAS)


Podes ver aquí a carta de información ás familias.



sábado, 1 de noviembre de 2014

NOVEMBRO: EDUCACIÓN RESPONSABLE EN E.I.


Para o desenvolvemento do programa Educación Responsable, Marta, a profe de Educación Infantil, pon a disposición das familias o documento que se inclúe.


Neste documento hai orientacións para colaborar co tratamento da educación emocional na lectura. É a parte do E.R. que corresponde a Literatura en Educación Infantil, bloque que leva por nome LEE.





domingo, 26 de octubre de 2014

OUTUBRO: Desenvolvemento da Semana do Samaín



LUNS 27: AS CABAZAS.









APERTURA DA EXPOSICIÓN "LECTURAS DE MEDO"


 Recorda que o próximo xoves poderás levar en préstamo calquera dos libros de terror expostos.






APERTURA DA EXPOSICIÓN "AS CORES DO MEDO"





APERTURA DA EXPOSICIÓN DE EL GRECO










MÉRCORES 29: PRIMEIRA SESIÓN DO CICLO DE CINE SAN XOÁN: "La Novia Cadáver de Tim Burton".















XOVES 30: ELABORACIÓN DO MENÚ DE SAMAÍN





ENTREGA DE DIPLOMAS E PREMIOS AOS GAÑADORES DOS CONCURSOS

No concurso de cabazas, todos os participantes tiveron un diploma de recoñecemento, alén diso, gañaron un pequeno premio todos os finalistas, que foron:
Andrea e Diego da clase de 3 anos, Jimena da clase de 4 anos, Cristina de 5 anos, Carlos de 1º, Samu de 2º, Tiziano e Alejo de 3º, Mario de 4º e Lucía de 6º. Un lugar especial para a cabaza da clase de 4º, que quedou en segundo lugar e Anne de 5º resultou a gañadora deste concurso.

No concurso de debuxo "As Cores do Medo", contamos coa axuda de Mónica Alonso, a artista que está a impartir os Obradoiros "As cores da razón e as cores da emoción" no noso colexio para establecer os criterios de selección dos gañadores. Os finalistas foron Diego e Clara de 1º, David e Paula de 2º, Elba, Andrés e Javier de 3º, Hugo e David de 4º, Verónica de 5º e Tamara de 6º. A gañadora foi Laura M. de 1º.



Falando de medo... Aquí tedes algunhas suxestións para ler:


viernes, 24 de octubre de 2014

OUTUBRO: Desenvolvemento dos Obradoiros do MAC

PROXIMAMENTE

A artista Mónica Alonso comeza o desenvolvemento dos obradoiros "As Cores da Emoción. As Cores da Razón". Ver a presentación da nova.

Os obradoiros desenvólvense en dúas sesións:

MÉRCORES 29: ALUMNOS DE 3° /4°:


MÉRCORES 5: ALUMNOS DE 5° /6°:


Tendo en conta que o medo é unha das emoción básicas, é moi oportuno contar coa colaboración de Mónica, sobre todo tendo en conta que virá no desenvolvemento do noso Concurso de Debuxo "As Cores do Medo". As aprendizaxes están garantidas.

jueves, 23 de octubre de 2014

OUTUBRO: Programa da Semana de Samaín



A semana final de outubro o noso cole celebra unha das tradicións máis horripilantes do ano... o noso Samaín encherá de teas de araña, cores tétricos e historias horrorosas a nosa entrada e as nosas vivencias.

O programa para estes días será:

LUNS 27: Recollida de cabazas decoradas para o Samaín, que concursarán para a Cabaza máis horrorosa do 2014. O gañador será nomeado o xoves 30, logo de termos expostas as cabazas durante toda a semana.

MÉRCORES 29: Inicio do Ciclo de Cine San Xoán. Nesta ocasión, a película seleccionada é  "La Novia Cadáver de Tim Burton", para o alumnado de 5° e 6°.

XOVES 30: Gañadores dos concursos desta semana. Campaña de empréstito dos libros expostos de medo.
No comedor,  neste día, teremos o Menú de Samaín, elaborado, en parte, polo alumnado maior, e incluirá a cabaza como ingrediente do primeiro prato, pechando cun postre moi especial do que non vos adiantamos nada...
Este menú será degustado despois de ver o video no que o alumnado de 4°, 5° e 6° gravaron para contar a lenda de Gustavo Adolfo Bécquer, "El Monte de las Ánimas", e que será proxectado para todo o alumnado ás 14:00 desde día, formando parte da iniciativa Entre Letras, do mesmo xeito ca o propio menú. ESTA ACTIVIDADE QUEDA POSPOSTA PARA A SEMANA DO MAGOSTO.

DURANTE TODA A SEMANA: 

Estarán abertas as exposicións:
- "As  Cores do Medo": Exposición dos debuxos elaborados polos nenos de todas as etapas educativas, nas que representan escenas de medo. 
- No comedor, dentro da iniciativa Entre letras, teremos exposta unha mostra da obra pictórica de El Greco, pintor ao que está adicado o 2014.
- "Lecturas de medo": Na entrada, durante esta semana teremos exposta unha mostra de libros de terror, para despertar o ánimo pola lectura.



CARTA PARA AS FAMILIAS